الكتاب المقدس

لكتاب لموقدس كتاب كبير متكون من بزاف ديال لمواضيع و أنواع مختالفا من الأدبيات (بحال سرد وشيعر و نبؤا) وكايمتد لقورون. حتى ل دابا وبالرغم من أن الكتاب المقدس مكتوب من طرف كتّاب مختالفين من تقافات مختالفا و عبر .التاريخ هو إعلان موحد من الله بريسالة وحدة.

ريسالة ديال الله لينا من خيلال كلمتو لمقدسا هي قصة تكوين لميثالي و سوقوط ديال بنادم ولفداء ديال الله ولحياة جديدة. هادشي يمكن ئيبان كايحير ولا صعيب للفهم ولكن ما تيأسش بعدا الله كايبغينا نعرفوه علاحقاش كايبغينا وباغي تكون عندنا علاقة معاه. عطانا كلمتو لمقدسا باش نعرفو كيفاش هو كايخدم ف دنيا من تكوين لعالم حتى ل دابا هاد لكتاب موهيم ل حياتك هاد لكتاب كايقول ليك كيفاش يمكن تكون نقي قدام الله.

كانسمع كلمات كتار بحال “كتاب مقدس””إنجيل” “توراة””عاهد قديم وعاهد جديد” اشنو كايعنيو هاد لكلمات  لكتاب لموقدس كايتكون من 66 كتاب هاد لكتوب مفرقين على جوج أجزاء لعاهد لقديم و لعاهد جديدكولهوم؟ لعاهد لقديم كايحتوي على توراة و لكيتابات ديال التاريخ و الأنبيا لي جاو قبل يسوع كايعاود لقيصا ديال الله و هو كايخلق عالم ميثالي وفيه ناس ميثاليين

كولشي داكشي لي خلق ربي كان زوين و لكن داكشي ما طولش راجل و لمرا قررو يعصاو الله وبداكشي تهرسات لعلاقا زوينا بين الله و الإنسان هادشي كايتمّا “سّوقوط ديال بنام” من بعد هاد النقطة لبقية ديال لعاهد لقديم كاتوصف لبشر و زيادة ديال دنوبهوم كاتعاود على لبلان ديال ربي كيفاش غادي يضبّر طريقا للعلاقة بين الله والإنسان تصاوب.

لعاهد لقديم كايكمل ب نبوات كاتهضر على موخليص لي غادي يصيفطو الله باش ينقد البشرية من دنوبهوم لعاهد جديد كايحتوي على الإنجيل و لكتابات ديال لأتباع لقراب منو هو قيصا ديال لفيداء و لخليقا جديدا 

كايبدا ب لولادا ديال لموخليض لموعود هنا فين كانتعلمو كيفاش الله كايبلاني ئيصلح لعلاقا ديالو مع البشر

لعاهد جديد كايعاود لينا على لولادا لحياة المعجيزات تعليم ولموت ولقبر و لقيامة ديال المسيح هادو هوما لخبارات لي محتاجين كولنا نسمعهوم من بعد لقيامة ديال لمسيح رجع للسماوات و خلا لأتباع ديال ينشرو لخبارات ديال لخلاص ديال ل بقية أنحاء العالم

من بعد لقيامة ديال لمسيح رجع للسماوات و خلا لأتباع ديال ينشرو لخبارات ديال لخلاص ديال ل بقية أنحاء العال كانتعلمو كيفاش هاد لمؤمنين جداد كانو موظطهدين و مزلعين ولكن كيفاش لكنيسة كبرات و كبرات ب ساباب لإيمان ديالهوم لعجيب ب يسوع

إيوا كيفاش نقرا لكتاب لموقدس؟ ومنين حتى نبدا؟

لكتاب ديال الله كايقول “كول لكتاب موحى به من الله وصالح للتعليم و التوبيخ و التصحيح والتدريب اللي ف لبر باش راجل الله يكون كامل مستعد لكل عمل صالح” تيموتاوس جاوجا3-16-17

كول كلام الله زوين و موهيم !وخا لكتاب د الله كبير ويمكن ياخد وقت طويل باش تقراه من لبدو ل نهاية

هدا علاش ديما كانصحو كول واحد لي كايقلب على شكون هو يسوع فعلان أنو يبدا ب واحد من لكتوبا لولين ديال لعاهد جديد